கோஹ்லரின் உட்காட்சிக் கற்றல்

கோஹ்லரின் ஒரு ஜெர்மானிய உளவியலார். 

இவர் கூறிய கற்றல் கோட்பாடு உட்காட்சிக் கற்றல் எனப்படுகிறது. 

இவர் மனிதக் குரங்குகளை வைத்துத் தன் சோதனைகளைச் செய்தார்.

 இவருடைய கற்றல் கோட்பாடானது, பின்னர் தோன்றிய பல அறிதல் சார்ந்த கற்றல் கோட்பாடுகளுக்கு முன்னோடியானதாகும்.

 கற்றலானது வலுவூட்டும் தூண்டலால் நிகழும் நடத்தை அல்ல என்பது கோஹலரின் கருத்தாகும்.

மாறாக, புறச்சூழலில் உள்ள தூண்டல்களை வேறுபடுத்தியும், அவசியத் தொடர்படுத்தியும் காணுதல் உட்காட்சிக் கற்றல் எனப்படும்.

உட்காட்சிக் கற்றலில், ஒரு குழந்தை ஒரு சிக்கலுக்கான தீர்வைத் தானே கண்டுபிடிக்கிறது.

 இதில் புறச்சூழலிலுள்ள ஒரு சிக்கல் புரிந்து கொள்ளப்படுகிறது. கற்றலுக்கு அடிப்படையாக உட்காட்சி (Insight) அல்லது சிந்தனை விளங்குகிறது.

கோஹ்லரின் சோதனை. கல்விப்பயன்கள் :


கோஹ்லரின் சோதனை உட்கட்சி பற்றிய கருத்துக்களை கோஹ்லர் மனிதக்குரங்கினை வைத்து நடத்திய சோதனையால் நன்கு விளங்கிக் கொள்ள முடியும். சுல்தான் (சுல்தான்) என்னும் அறிவாற்றல் அதிகமுள்ள ஒரு மனிதக் குரங்கு ஒரு கூண்டில் வைக்கப்பட்டது.

கூண்டிற்கு மேலே சுல்தானுக்கு எட்டாத உயரத்தில் வாழைப்பழங்கள் தொங்க விடப்பட்டன. கூண்டிற்குள் ஓரிடத்தில் இரு குச்சிகள் வைக்கப்பட்டிருந்தன. இவை ஒவ்வொன்றும் பழத்திற்கு எட்டாத அளவுக்குக் குட்டையானவை. இவையிரண்டினையும் இணைத்து விட்டால் பழத்தை எட்டித்தொடும் வகையில் நீளமானவை. இரு குச்சிகளும் இணைப்பதற்கு ஏற்றவாறு செய்யப்பட்டவை. முதலில் சுல்தான் குச்சிகளை வைத்துப் பழத்தைத் தொட்டது. பழங்கள் எட்டவில்லை. பின்னர் சுல்தான், அக்குச்சிகளை வைத்து விளையாடும் போது, ​​இரு குச்சிகளையும் இணைத்து நீளமான குச்சியாக்கிப் பார்த்தது.

அச்சமயம் சுல்தானுக்கு, உட்காட்சிக் கற்றல் நிகழ்ந்தது. அதாவது நீளமான குச்சியைக் கருவியாகப்பயன்படுத்தி பழத்தை எட்ட முடியும் என்ற உட்காட்சி சுல்தானிடம் தோன்றிவிட்டது.


இணைந்த நீளமான குச்சியால், சுல்தான் பழத்தைப் பெற்றது. அடுத்தடுத்த நாட்களிலும் இச்சோதனை நடத்தப்பட்டதில் சுல்தான் பழத்தை எட்டுவதற்கு வெகுவாகக் குறைந்தது.


இச் சோதனையில், சுல்தான் பழத்தைப் பெற முயன்று தவறிக் கற்கவில்லை என்றும், புறச்சூழலிலுள்ள குச்சிகளுக்கும், பழத்திற்கும் இடையே சுல்தான் தொடர்புபடுத்திப் பார்த்ததால் மட்டுமே உட்கட்சிக் கற்றல் நிகழ்ந்தது என்றும் கோஹ்லர் விளங்கினார்.

கல்விப்பயன்கள் கோஹ்லரின் சோதனை முடிவுகளானது, ஆசிரியரின் கற்பித்தல் முறையில் புதிய மாறுதல்களை வலியுறுத்துகின்றன.




கல்விப்பயன்கள்




ஆசிரியர் கற்றலில் உதவியாளர் (Facilitator of learning)

ஆசிரியர் மாணவரின் கற்றலுக்கு உதவக்கூடியவர். எனவே, ஆசிரியர் வளமான கற்றல் சூழலை மாணவர்களுக்கு அமைத்துத் தருதல் வேண்டும். செய்திகளைத் திறக்கும் விரிவுரை முறையை ஆசிரியர் கைவிட வேண்டும்.

தானே கற்றல் முறை (Independent Study)

கற்றல் என்பது மாணாக்கரே செய்யப்பட வேண்டிய செயல். எனவே, மாணவரே செய்து கற்க ஆசிரியர் தூண்டுதல் வேண்டும். இதற்காக, ஆசிரியர் பல செயல் திட்டங்களை மாணவருக்கு வழங்க வேண்டும்.

சிக்கலுக்கு தீர்வு காணும் முறை:(Problem Solving)

மாணவர் தானாகவே சிக்கலுக்குத் தீர்வு காணும் வகையில் ஆசிரியர் கற்றல் செயல்களை அமைத்துத் தருதல் வேண்டும். மாணவரே கண்டறிந்து கற்கும் முறையை ஆசிரியர் ஊக்குவித்தல் வேண்டும்

விதிகளைக் காணக் கற்பித்தல் (Inductive Reasoning)

ஆசிரியர் பாடம் நடத்துகையில், விதிகளை நேரடியாகக் கூறுதல் கூடாது. ஆசிரியர் விதிகளுக்குரிய சான்றுகளை மட்டுமே தருதல் வேண்டும். மாணவர்களாகவே விதிகளைக் காணும் வகையில் கற்பித்தல் அமைய வேண்டும்.

முழுமையான அனுபவம் (Whole Experience)

மாணவர்கள் கண்டுபிடித்துக் கற்க வேண்டுமானால் அவர்களுக்குப் புறச்சூழலில் முழுமையான அனுபவம் அவசியம். பாடம் நடத்துவதற்கு முன், பாடத்தைப் பற்றிய முழுமையான சுருக்கம் தரப்பட வேண்டும். பாடத்தைப் மற்றவற்றுடன் தொடர்பு கொள்ள வேண்டும்.