சர்வதேச மாணவர்கள் தினம்

  சர்வதேச மாணவர்கள் தினம்...!

சர்வதேச மாணவர்கள் தினம் ஒவ்வொரு ஆண்டும் நவம்பர் 17 ஆம் தேதி இன்று கொண்டாடப்படுகிறது. இத்தினம் மாணவர் எழுச்சியை பன்னாட்டு ரீதியில் நினைவுகூரும் ஆண்டுதோறும் கடைபிடிக்கப்படுகிறது.

1939ஆம் ஆண்டு நவம்பர் 17ஆம் தேதி செக்கோஸ்லோவாக்கியாவின் (ஐரோப்பா) தலைநகர் பிராக்கில் சார்ல்ஸ் பல்கலைக்கழகத்தில் இடம்பெற்ற மாணவர் போராட்டத்தின் முடிவில் ஜான் ஓப்ளெட்டல் மற்றும் மாணவர் தலைவர்கள் ஒன்பது பேர் தூக்கிலிடப்பட்ட சம்பவம், செக்கோஸ்லோவாக்கியாவின் ஆக்கிரமிப்பு போன்ற நிகழ்வுகளை இந்நாள் நினைவூட்டி வருகிறது.

இத்தினம் முதன்முதலில் 1941ம் ஆண்டு அனைத்துலக மாணவர் அமைப்பினால் லண்டனில் கொண்டாடப்பட்டது.

உலக குறைப்பிரசவ குழந்தைகள் தினம்...!

உலக குறைப்பிரசவ குழந்தைகள் தினம் நவம்பர் 17 ஆம் தேதி இன்று கடைபிடிக்கப்படுகிறது.

 உலகம் முழுவதும் 15 மில்லியன் குறைப்பிரசவ குழந்தைகள் பிறக்கின்றன.

அதாவது 10ல் ஒரு குழந்தை குறைப்பிரசவத்தில் பிறக்கிறது. குறைப்பிரசவத்தில் பிறந்த குழந்தைகளுக்கு எதிர்ப்புச்சக்தி குறைவாக இருப்பதால் பல்வேறு நோய்கள் ஏற்படுகின்றன.

 எனவே, அந்நோய்கள் பற்றிய விழிப்புணர்வை ஏற்படுத்தவே இத்தினம் கடைபிடிக்கப்படுகிறது.